Білім алушылар контингенті колледж іс-қызметінің сандық және сапалық аспектілерін сипаттайтын абсолютті және салыстырмалы көрсеткіштерінің кешені болып табылады. Соңғы бес жылда колледж техникалық, технологиялық және экономикалық бағыттар бойынша күндізгі оқу формасымен мамандарды дайындауды іске асыруда. Колледжге қабылдау тәртібі Қазақстан Республикасының 2007 жылдың 27 шілдесіндегі «Білім туралы» Заңына, «Техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларын бекіту туралы» Қазақстан Республикасы Білім және ғылым министрінің 2018 жылғы 18 қазандағы №578 бұйрығына (04.06.2021 ж жаңартылған) сәйкес және колледж директоры бекіткен қабылдау Ережелеріне негізделіп, іске асырылады.
№12 колледжге оқуға түсуші абитуриенттер оқуға түсу үшін өтінішпен бірге білімі туралы құжаттың түпнұсқасын, орта мектеп түлектері — ағымды жылдағы Ұлттық Бірыңғай Тестілеу (өз еркімен) нәтижелері жөніндегі сертификатты, флюорографиялық суретпен №075-У үлгідегі медициналық анықтаманы (бала кезінен І-ІІ топтағы мүмкіндігі шектеулі тұлғалар үшін медициналық-әлеуметтік сараптама комиссиясының қорытындысын), 3х4 өлшемдегі 4 дана фотосуретті ұсынады. Колледжге түсушілердің жеке басын растайтын құжаттарды (жеке куәлік, төлқұжат немесе туу туралы куәлік) өзі, ата-анасы немесе заңды өкілі ғана береді.

Кесте 3.1. Мемлекеттік білім беру тапсырысы бойынша 2020-2021 оқу жылына абитуриенттерді қабылдау

Кесте 3.2. Мемлекеттік білім беру тапсырысы бойынша 2021-2022 оқу жылына абитуриенттерді қабылдау

Кесте 3.3. Мемлекеттік білім беру тапсырысы бойынша 2022-2023 оқу жылына абитуриенттерді қабылдау

№12 колледж МКҚК қабылдау комиссиясы қабылдау Ережелеріне сәйкес жұмыс істейді. Оқуға түсу үшін жеке тұлғалардан өтініш, оқуға түсу емтихандары мен білім алушылар құрамына оқуға қабылдау кезеңіне 10 маусымнан кешіктірмей, колледж директорының бұйрығымен мүшелері тақ саннан тұратын қабылдау комиссиясы құрылады. Қабылдау комиссиясының құрамына жергілікті үкімет пен атқару органдарының өкілдері, жұмыс берушілер, қоғамдық және білім беру мекемелерінің өкілдері кіреді. Қабылдау комиссиясының төрағасы сайланады.
Мемлекеттік қызметті алу үшін көрсетілетін қызметті алушы (өтініш беруші немесе оның заңды өкілі) колледжге (бұдан әрі – көрсетілетін қызметті беруші), не «электрондық үкіметтің» веб-порталына (бұдан әрі – портал) жүгінеді және «Техникалық және кәсіптік, орта білімнен кейінгі білім беру ұйымдарына құжаттарды қабылдау» мемлекеттік көрсетілетін қызмет стандартына (бұдан әрі – Стандарт) сәйкес құжаттарды ұсынады. Мемлекеттiк қызмет көрсету үрдісінің сипаттамаларын, қызмет көрсету нысанын, мазмұны мен нәтижесiн, сондай-ақ мемлекеттiк қызмет көрсетудiң ерекшелiктерi ескерiлетiн өзге де ақпаратты қамтитын мемлекеттiк қызмет көрсетуге қойылатын негiзгi талаптардың тізбесі мемлекеттік қызмет стандартында көрсетілген.
2021-2022 оқу жылында білімі туралы құжат сәйкестігі, сондай-ақ қабылдау квотасын ескерумен міндетті және бейінді пәндер бағаларының орташа конкурстық балл бойынша абитуриенттерді автоматтандырылған орналастыру нәтижелерімен Түркістан облысының адами әлеуетті дамыту басқармасының «Cmart nation» ақпараттық жүйесі берген колледждің білім алушылар қатарына қабылдауға абитуриенттер тізімін ұсынды.

Кесте 3.5. Білім алушылар контингентінің құрылымы